盛記酒家

营业中

休息中

盛记呢一度好适合一家人，或者系朋友聚会嘅中菜餐厅，地方虽然冇话特别大但系位与位之间相当阔落!聚会唔少得饮下酒，呢度有酒柜亦设有存酒服务，饮唔晒可以摆喺度叫佢哋帮你存起!嗌咗几样𩠌最推荐嘅就系<豉油王炒大虾!!>同<招牌乳猪>!!! 食得出啲虾系超级新鲜唔会梅梅烂烂同埋好入味，乳猪更加唔洗讲啦～皮脆多汁，冇㶶，烧得岩岩好!!呢度，上菜嘅速度亦都唔算太慢!!!服务同招呼都好足!! 价钱喺呢一区嚟讲亦都唔叫太贵，有啲比较大份嘅有例牌同埋全只拣， 根据返食量同人数去决定，唔会浪费又唔会嘥钱!!值得再去!