Olive Cafe (已結業)

今日为食到荃湾、行到Olive门口睇吓个menu先！见到午市精选素菜、好想试吓…… 我拣左玻璃窗边有园景嘅卡位坐低 、再睇餐牌,选左……传统意式蕃茄芝士薄饼 +10元配田园素菜沙律及饮品一杯沙律菜好翠绿、挺身、有水份食落"索索"声、鲜甜、好新鲜呵~沙律酱计偏甜、就好似用新鲜士多啤梨打成汁嘅味道、淋上菜面好开谓、好有果香味、真系好特别！哗！热呼呼胀卜卜、面层芝士好丰满、颜色金黄好靓呀！！！批边咬落香脆、芝士味十分浓郁、软淋淋一丝丝咁拉出耒……底层系用左一片片新鲜蕃茄、茄肉肥厚、爽口鲜甜唔淋好有质感配合芝士嘅软绵滑混合、口感真系一流！下次我一定会再去食！食完批再喝冰冻咖啡、是一个滋味的午餐！