半熟工房 (金馬倫道) (已結業)

系呀！又系半熟工房呀！自从试左第一件抹茶半熟，我知我已经钟意左佢，一次满足我的两个口感，半熟层同海绵蛋糕夹埋一齐好过瘾，知道一出新味，仲要系朱古力味，放工立即进贡啦！一如以往，一盒五件装，一次一件又唔洗切，啱晒我呢啲连洗刀叉都懒的.....一打开个盒盖，浓郁的朱古力味攻晒出嚟，我真系忍唔到！用牛油纸隔开的半熟蛋糕，大概如手心的大小，明显见到有两分层，上层口感似浓密版朱古力忌廉，好滑溜，下层系朱古力海绵蛋糕，奶味不重，下午茶食一件的话，刚刚好不会漏，每一口都是可可的幸福！买半熟蛋糕时，发现隔离有半熟朱古力挞出炉，热辣辣的，因为头几日开售无咩人排，所以好快就到手，新鲜出炉当然即食，啲香味隔住个袋都闻到（我买左两个外卖）一食之下好好味！由内至外都系朱古力味，的确有点漏，不过食完简直High 到极点，对！我是私心喜欢半熟工房的曲奇挞皮，又脆又唔油淋淋，试左咁多间，最爱都是它！半熟工房口味排行，朱古力>抹茶（已停售）>原味芝士 ，因为我唔太好芝士（嫌漏，通常只吃到半个），所以排名系咁了。