影片
更多
2014-02-12
357 浏览
自从搬离东区，就好少系呢边食野。太古，我印象中唔系特别多好野食，好食既呢，其他地方又会有分店，所以唔会特登黎太古~但今日食完之后，我谂我黎开港岛都会黎买盒食!!!暂时唔见有其他分店呢~系我行行下，怀缅紧边d铺头执左边d铺头仲系度既时候，突然嗅到一阵好香既卤水汁味，周围望两望，仲唔系你??去到的确系我嗅到既果阵卤水汁味~ 好香呀~ 睇下有咩食~ 都有好多款~ 食物上都有写价钱~不过我嫌唔够清楚~ 黎多张~~大部分都系计件或gram~ 就咁睇价钱觉得还好，都合理。当我仲谂紧食咩先~ 已经有3,4个客准备买/买紧。突然有个切紧野既店员叔叔「啊」左一声，另一个店员姨姨即刻问佢有无事，个店员叔叔好funny咁对住我地所有人讲：「无事无事，好彩我有带手套，哈哈！」咁既工作环境真开心~ 我都笑埋一份~ 好~睇完一轮，嗌左(排名依好食程度分先后)猪肠、萝卜、鸡中翼、甜不辣、鹅肾店员会帮你放入卤水内加热，可以八达通即刻比钱，唔驶出cashier排，total $54.6，虽然份量都几多，但我听完个金额个心都震左一下咁多~ 由于我八达通唔够钱，唯有去排队，大约10mins，返到去已经有得拎~ 姨姨问我要唔
太古，我印象中唔系特别多好野食，好食既呢，其他地方又会有分店，所以唔会特登黎太古~
但今日食完之后，我谂我黎开港岛都会黎买盒食!!!暂时唔见有其他分店呢~
系我行行下，怀缅紧边d铺头执左边d铺头仲系度既时候，突然嗅到一阵好香既卤水汁味，周围望两望，仲唔系你??
去到的确系我嗅到既果阵卤水汁味~ 好香呀~ 睇下有咩食~ 都有好多款~ 食物上都有写价钱~
不过我嫌唔够清楚~ 黎多张~~
大部分都系计件或gram~ 就咁睇价钱觉得还好，都合理。当我仲谂紧食咩先~ 已经有3,4个客准备买/买紧。突然有个切紧野既店员叔叔「啊」左一声，另一个店员姨姨即刻问佢有无事，个店员叔叔好funny咁对住我地所有人讲：「无事无事，好彩我有带手套，哈哈！」咁既工作环境真开心~ 我都笑埋一份~
好~睇完一轮，嗌左(排名依好食程度分先后)
猪肠、萝卜、鸡中翼、甜不辣、鹅肾
店员会帮你放入卤水内加热，可以八达通即刻比钱，唔驶出cashier排，total $54.6，虽然份量都几多，但我听完个金额个心都震左一下咁多~ 由于我八达通唔够钱，唯有去排队，大约10mins，返到去已经有得拎~ 姨姨问我要唔要辣，我话要，比左包辣汁我，可以自己决定点落。跟住，即刻系附近揾个位医肚!!
我几钟意个包装~ 最重要系佢个封口好易开~ 我初头仲惊好难开~
打开之后，我将包辣汁落系一边，可以分开点黎食，又食到原汁原味。首先佢地既卤水汁真系好好味，甜味够出，岩岩好，唔会死咸或者重味精。所以即使部分食物唔入味，但面有汁，令整体都不错。包辣汁都几辣(我唔系超食得辣既人) 但好味呀~ 所以可以分开点少少，very gooooood!!! 1. 猪肠：超入味，滑，易入口，干净，冇怪味
2. 萝卜：萝卜甜，极少渣，又有卤水香
3. 鸡中翼：应该炆好耐，够淋，入哂味，肉同皮都几滑
4. 甜不辣：烟烟unun，面有卤水汁味，但不太特别
5. 鹅肾：太硬，而且唔入味
啊~ 呢个系我晚餐黎，其实份量几多($54.6之下)，我食完饱左，应该加碗饭就perfect了! 当然我就咁成个食完，都唔觉口干，卤水汁味仲系口腔内徘徊，唔系饱左，都想再试其他~
卖卤味，最重要当然系个卤水汁，卤水汁好，已经赢左大半~ 当然食物洗得干净，新鲜，有心煮都好重要! 所以呢间真系唔错! 而且店员亲切，又好笑容，点揾??
打完都回味~ 希望有机会再去食!!!
张贴
