御品·千之味 (大全街) (已結業)

突然要开会搞到好迟先收工，冇时间买𩠌煮饭，去咗千之味买寿司外卖。听过呢间千之味好耐，全港都好多分店，但一直都无试过，见佢价钱好平就去试下！三文鱼腩$20/2件左口鱼$20@2件油甘鱼$35@2件吞拿鱼蓉$30@2三文鱼子$48@2花之恋$48@3件鳗鱼忌廉芝士卷$58@4件吉列炸虾卷$38@4件虽然价钱亲民，但质素无将货就价！我好耐冇食过花之恋，呢度价钱真系好平，竟然$16有一大件！几块肥美厚身嘅三文鱼包住满满嘅蟹子，一啖咬落去非常满足！油甘鱼同三文鱼子嘅质素比我想像中好，油甘鱼带有光泽，鱼味香浓，三文鱼子大大粒，晶莹通透，鲜味十足！三文鱼腩油脂分布均匀，口感肥美！卷物嘅饭就比较硬身，胜在足料，味道正常发挥。呢个价钱性价比唔错，原来大部份地区消费满$300仲可以免费送上门，连拎都唔驶拎，下次开party可以试下！