大漁屋台 (已結業)

近来系饮食方面，个人钟意食日本嘢，咁啱今日约咗家姐一齐去食反，佢又唔想去太远，就选择咗系佢屋企楼下𠮶间，叫做大鱼屋台嘅日本料理佐饍。侍应俾咗一个近门口嘅卡位我地坐，又俾埋歺牌我。我随手将𠮶歺牌俾咗家姐，今晚由佢发辨。叫咗一个(大鱼屋台二人前)套歺，有呢个日本蕃茄八爪鱼沙律，好特别，八爪鱼都好鲜甜又易咬开，沙律菜𠮶味比较有少少酸，好开胃，再来刺身盛，有左口鱼8件，三文鱼，油甘鱼，帆立贝各两件，三文鱼和油甘鱼非常肥美，左口鱼好鲜甜，沾少少酱油，入口特别好味，海胆葱花拖罗蓉卷有4件，个样又靓，味道又正，跟住上个串烧拼盘，有烟肉广岛蚝，黑豚肉，鲭鱼，翠肉瓜。广岛蚝比烟肉包住烧，蚝好肥，肉汁好多，烟肉包住广岛蚝嚟食，口感与别不同，跟住重有豆乳鸡肉软骨丸子和纸火锅同埋安格斯牛肉汤乌冬，火锅个豆乳鸡肉软骨丸子，食落口，好冧。安格斯牛肉汤乌冬味道一流，好快就食晒所有嘅嘢，最后来多两杯雪糕，一杯芝麻，一杯绿茶，跟住就埋单走人，下次再来过。