麵麵 (已結業)

呢度既面同乌冬都几健康，因为混左好多鱼肉落去做，咁就会无咁多碳水化合物，市面上系比较少见呢种面，而且佢味道一啲都唔会腥，只系个口感我比较马马地。晚市套餐，有埋前菜饮品，意式茄蓉海虾蟹肉拌乌冬，蕃茄既味道几好，酸酸地，蟹肉份量唔算多，食唔出，海虾都算新鲜，爽口几好，有三款既前菜，味道正常。泡沫奶茶味道就比较普通。渔人乐脆系令我最满意最钟意的，一来个黑松露酱好正，又可以添，二来好特别地有蕃薯条同鱼肉条，蕃薯条好粉糯，好香甜，重薯味，一开始左食，个人就食唔停口啦！整体来说，其实唔错，非常特别，有机会下次再来既话，会试鱼面，可能口感会比乌冬岩我口味多啲？环境都非常好，好靓，坐得又舒服。