漁民樂 (已易手) 新餐厅

细细个妈咪成日都煮大眼鸡滚蕃茄汤再加米粉俾我食，所以一向都想揾D鱼汤米线店铺试下～上星期四去左大角咀一间叫“渔民乐”食米线，之前都有听朋友讲过呢间，呢一日终于试到了仲有想讲个名我开头谂系唔系某某艺人～我大约两点几去到基本上都唔洗等位，我叫左个两𩠌米线，一个𩠌系招牌鱼腐，再加多个鱼皮饺，汤底我就选左蕃茄鱼汤底，米线当然要通心米线～汤底好浓好甜，再加上蕃茄甜甜酸酸，不错不错～ 招牌鱼腐食落好有口感，鱼皮饺也不错！通心米线吸收晒鱼汤甜味，仲好弹牙。鸡翼酱汁味道酸酸辣辣，确实几惹味。总括我觉得几岩我口味，有机会应该会去再食，但就想试下夜晚去食约埋朋友，因为可以试下鱼汤火锅。