漁翁米線 (已結業)

因喜爱真材实料的渔汤店舖，在荃湾区都有几间，渔翁米线系近排先去的，因位置近熊猫酒店隔离的荃湾花园，位置比较静，坐位亦不多，但就好适合小店感觉。坐位半露天，空气流通。之前听过佢的猪软骨好入味，所以就叫了渔汤猪软骨米线试试。果然无错，猪软骨份量几多，最正系猪软骨嘅汁同渔汤好夹。先饮个渔汤先，就知系真材实料煲的，然后再把猪软骨汁捞匀入渔汤再饮，又变咗另一个味道，已经使成个汤底同出面食嘅渔汤好唔同，米线连汤及料我都成碗食晒。喜欢清静位置又喜欢渔汤嘅朋友可以试试。舖头旁边可停车又可睇到，方便揸车嘅朋友。