漁樂 (已結業)

半年前去长洲都帮衬过，不过假日去真系人山人海，而当时仲系立食。半年后去到，由于系夏天+平日，第一转去到，噢，原来加左几张木椅，但全部坐满人，所以走去前面食多碗甜品先，再返转头睇。第二转返嚟，人走晒，可以坐底食嘞。本身只谂住叫厚切墨鱼，但老板盛意拳拳拎住ipad介绍其他野食，最后叫埋炸日本蚝同冬瓜茶。即炸关系，要稍等先有得食。墨肉厚身，只蘸少少粉便炸；其实我最钟意系个柠檬皮沙律酱，食起上黎绝对唔油腻。另附几粒提子和酸瓜，可以清清味蕾继续食。另外系炸日本蚝，一碟六只，老板推介系靓日本货，欣赏个沙律酱同墨鱼唔同，呢款系芥末七味粉，有心思。其实我仲想食炸鱼，但太饱惊食唔晒．帮衬时刚好未有其他客人，所以同老细倾左好耐计哈哈。有睇openrice的话：多谢杯茶！系好味道既，加油！