嚐味喇沙 (已結業)

去沙田市中心做啲嘢，顺便食埋饭先返屋企。午饭时间，唔想去茶餐坐得咁迫，行行下见倒呢间啲座位几松动就决定喺呢度食。入座后侍应畀咗个QR code我哋落单，话有九七折。但系佢个code可能有啲问题，我哋大大话话用咗两部电话试咗七八个唔同嘅App，搞咗成廿几分钟先落倒单。当中有侍应咗我哋张枱好多次(可能系谂紧点解咁耐仲唔落单啩！)，但系都无走嚟了解下😜。叫咗无骨海南鸡饭配椰子鸡汤。鸡肉煮得几嫩，有少少肉汁。油饭香但唔油，不过稍冻。椰子鸡汤有好浓嘅椰子味，好甜又够热，唔错。火车头汤河，𩠌就有几个牛唔同嘅部位如肥牛、牛腩、牛筋等等。汤底味浓、河粉幼身，索晒啲汤汁，好味。牛腩牛筋煮得太耐，冧晒，无口。最犀利系开始食𠮶时有侍应攞返两粒牛丸畀我哋，话畀漏咗㖞！咖啡就系港式茶餐厅口味，无咩特别。埋单时竟然无畀九七折，都系怪自己无计好数就行出去畀钱，返到屋企先发现蚀咗。