CHIC Italian Cuisine and Oyster Bar (已結業)

不知所谓！啱啱离开店舖，食到一肚气！今日星期日，我哋约咗七点半钟食饭，我哋七点已经到咗，落完单好快就上左海鲜拼盘、一个意大利饭、仲有一个长通粉，但跟住等左好耐到八点半都仲未黎迷你汉堡、薯条、仲有个主菜猪胺！成间店舖小猫三四只，佢够胆死讲话厨房好忙啊！隔离枱迟过我哋黎，又系点迷你汉堡，佢哋食完都埋单走咗喇。好啦漏单都算喇！我地都无咩心机食落去。黎埋d野食，谂住上埋个甜品食完影张相就走。谂住庆祝结婚七周年，预先安排叫餐厅准备甜品写上Happy 7 th anniversary。点知！？佢个甜品写Happy Birthday 啊！我先生问个女侍应点解系Happy Birthday?女侍应揾左个似经理嘅肥哥哥过黎，你知唔知佢点答我呀？肥哥哥话：「因为我哋只碟唔够位置写Happy 7 th anniversary，但我觉得Happy Birthday 重要d所以写生日快乐。」但事实系我订枱时从来无话过生日㖞！请问依间餐厅想点？之前食过几好谂住今次两口子带埋两个小朋友黎庆祝结婚周年，依加系一肚气啊！有图有真相！付收据一张！