影片
更多
2024-09-27
883 浏览
总结: 酒楼只为自己工作，漠视客人需要，包括生理上嘅饿，心理上嘅道歉。工作上欠缺系统，截咗单先嚟问齐唔齐，然后唔齐就话无得追，无得加。呢间酒楼都帮衬咗好多次，胜在有钟意饮嘅人参乌龙。初头见到经理有教员工认真摆位，好似好认真，觉得几好，不错。然后就嚟啦，我1508落单，叫咗四样嘢，啲嘢嚟得唔算快，一碟碟咁上，嚟咗两碟就停咗。我去餐厅就好少会追单，等到1535，一位侍应嚟问：嚟齐未？帮手埋单。我话：未齐，争两样。转个头，畀张单我侍应：话落咗两样，无其他。我：我落咗四样㖞，比返我落单张餐纸我睇下侍应竟然话:无㖞，过咗落单时间，无啦，唔好意思。我……（心谂：食咗两样点心，完全唔饱㖞，落漏单，唔帮我追不特止，话无？咁就直接揾白衫经理，点知一样无礼貌！我：经理，可唔可以比张落单纸我睇，我落咗四样嘢，嚟得两样。经理去check单，入翻单，咁我返去坐低啦。经理转头话，得翻粥，鸡扎无啦，ok我心谂。。。吓就咁讲句ok？一句唔好意思都无？同埋起码应该问我要唔要转其他点心？我哋两个人食得三样嘢。。。最后，经理仲想嚟吹埋单，特登走过嚟问啲嘢齐未。。。。未截单前唔问，到截哂单，追完单，先嚟问？齐唔齐您唔知㗎咩？
呢间酒楼都帮衬咗好多次，胜在有钟意饮嘅人参乌龙。
初头见到经理有教员工认真摆位，好似好认真，觉得几好，不错。
然后就嚟啦，我1508落单，叫咗四样嘢，啲嘢嚟得唔算快，一碟碟咁上，嚟咗两碟就停咗。我去餐厅就好少会追单，
等到1535，
一位侍应嚟问：嚟齐未？帮手埋单。
我话：未齐，争两样。
转个头，畀张单我
侍应：话落咗两样，无其他。
我：我落咗四样㖞，比返我落单张餐纸我睇下
侍应竟然话:无㖞，过咗落单时间，无啦，唔好意思。
我……（心谂：食咗两样点心，完全唔饱㖞，落漏单，唔帮我追不特止，话无？
咁就直接揾白衫经理，点知一样无礼貌！
我：经理，可唔可以比张落单纸我睇，我落咗四样嘢，嚟得两样。
经理去check单，入翻单，咁我返去坐低啦。
经理转头话，得翻粥，鸡扎无啦，ok
我心谂。。。吓就咁讲句ok？一句唔好意思都无？同埋起码应该问我要唔要转其他点心？我哋两个人食得三样嘢。。。
最后，经理仲想嚟吹埋单，特登走过嚟问啲嘢齐未。。。。未截单前唔问，到截哂单，追完单，先嚟问？齐唔齐您唔知㗎咩？为咗追埋单，问嘅问题都唔合逻辑，为问而问，反而仲激嬲𠮶客。
最后我话:唔齐都无得食啦
张贴