Burgerman (埃華街)

营业中

休息中

鹅肝汉堡又成热话。那边厢港岛区BURGER ROOM搬铺，这边厢九龙区这汉堡男人又冒起黎。见楼下咁多人试过都好评。就黎试一个。目标锁定系鹅肝汉堡。开单先开始整。要有等既心理准备。一拎到黎既第一个感觉系：哗！玩具黎嫁？净睇芝士同生菜个位。真系好似系细个玩泥胶压出黎咁。好有童年回忆。呢到个包对比起BURGER ROOM黎得冇咁大直径。但系就高身D。细直径令鹅肝看起来比例大多了。包烘得面脆而内里松软。鹅肝处理得也好，两面焦脆而不泻油。一咬开油香就爆出黎。好彩有酸酸甜甜既黑醋汁平衡下。系芝士被下藏身既系同样多汁既汉堡。当排牙切开鹅肝爆完一转。再破开芝士层到汉堡。引发出第二重肉汁既爆炸。牛肉汁MIX埋鹅肝油真系好幸福。个包好吸引同时个薯条都唔输蚀。外层炸得开脆而内里系好FLUFFY既薯蓉。个人黎讲劲LIKE呢个。同时由于即叫即做。新鲜热辣。食完个包就ARM ARM好放到入个口。正！亦试左个香草鸡翼。同样系外脆而肉汁丰富。MIX HERB系鸡翼既热力之下涌出阵阵香气。食完BURGER未够喉不妨加一客试下