Urban United Burger & Bar (已結業)

已经第三次帮衬urban，有时Happy Friday想食好少少就会落黎食返个汉堡，钟意佢地选择都够多！而且餐厅环境充满美国色彩，除左食，影相打卡一流！餐牌部分粉红傻豹梳打 $46饮品叫左粉红傻豹梳打，颜色好梦幻少女幻，饮落有淡淡玫瑰味，唔会太药水味，都可以。软壳蟹牛油果酱墨西哥饼 $56叫左款小食软壳蟹牛油果酱墨西哥饼，一客两块，软壳蟹炸得香脆，面头放上牛油果酱一齐食，味道又几讨好！拉斯维加斯软壳蟹鹅肝堡 $158里面有软壳蟹，鹅肝、洋葱、蕃茄和黑醋等；食落其实好丰富，除左香脆软壳蟹，仲有脂香突出既鹅肝，食落邪恶味道都唔错，不过块包焗得唔够香脆有点失色。华盛顿总统堡 $88里面有巴马火腿、牛肉汉堡、芝士、黑松露酱等，食落先有巴马火腿既咸香，牛肉汉堡都做得唔错，唔会干争争有肉香，配埋黑松露食好惹味！另外各加$12要左份炸薯条同洋葱圈，佢地既炸薯条热辣辣上枱，加少少盐已经好食，洋葱圈就不过不失。