Chef's Stage Kitchen (愉景新城) (已結業)

荃湾依家越开越多汉堡包店，但系如果讲整汉堡包整得最出色嘅反而系依一间西餐厅。依间餐厅位于愉景新城，我试过佢唔同款式嘅餐点但系我觉得做得最出色嘅就系依个汉堡包炭烧美国安格斯牛肉芝士汉堡配粗薯条 安格斯牛肉好厚身肉汁又够多够juicy，加埋新鲜嘅蕃茄同埋生菜，配搭真系天衣无缝。佢最出色系个面包，唔会因为肉汁搞到个面包淋哂，但又唔会好干搞到好难先摆到入口牛有少少韧但系好有牛味，同埋份量真系好足够好抵食，睇图都见到个包切开都好够份量！佢嘅粗薯条整得几出色，香脆得黎唔会太油腻，食咗几次水准都唔错！总之汉堡包配粗薯条就系天衣无缝啦