Simplylife Bakery Cafe (已結業)

Simplylife 长期排满队，所以都好耐冇食啦，咁啱今日11点几去到九龙湾见餐厅唔使等位就决定食依间，环境装修都同其他分店差唔多都舒服午餐餐牌有好多嘢食，印象当中好似冇乜点转过餐牌有成10几款俾你拣，都不外乎有all day breakfast，沙律、饭丶意粉同埋汉堡包，个餐系跟一杯野饮，你亦可以再选择跟埋沙律或汤。今次我就试佢哋嘅burger，一个就跟汤一个就跟沙律，餐饮就跟西柚果茶🍹。首先讲个2份前菜，🥗个沙律系好新鲜，细细份唔会嘥几好啊，另外个汤系甘荀忌廉汤都做得唔错，系淡左少少不过自己加返盐就OK，两份都会跟一件细细嘅面包、新鲜软熟。🍔车打芝士烟肉牛肉汉堡， 个包几好、薯条就一流好惹味、厚厚嘅免治牛肉丶脆脆嘅烟肉🥓、睇个样好似好掂，不过食落就好鞋口好干😔， 块免治牛做得唔好，佢哋真系要改善下，如果专登嚟食依个汉堡系一定会失望😞🐟🍔至于鱼枊他他汁汉堡、可能有得比较啦，觉得依个包好好多、起码唔会干亦唔会鞋稳阵好多，咁炸雪藏鱼柳当然唔可以话有乜嘢鲜鱼味食到架啦，炸得脆口小油已经合格。如果下次黎食就唔会拣汉堡包类别啦😏，食返意粉𠮶啲应该稳阵好多！