小松鼠 (怡豐花園) (已結業)

小松鼠三年前食过几次，印象最深刻系佢嘅蘑菇汤，又香又浓又 creamy，仲有就系汉堡包，比麦当当贵啲啲，但系质素就高几皮。今次再去，叫咗个二人餐，包括餐汤，头盘，主菜两款同饮品，咁多嘢加埋都唔过二百蚊，超级抵食。久违嘅蘑菇汤比之前失色，质感较稀，味道亦较淡😐，跟汤嘅蒜蓉包则唔错，有诚意。头盘我哋拣咗黑松露薯条，份量好多，炸得都几香脆，不过黑松露味就唔太突出。主菜首先系烟三文鱼 Risotto，呢个属正常水准，Risotto 虽然煮得比较腍，酱汁亦都比较稀，但系调味得宜，芝士亦算多，味道唔错。成晚最好食嘅就系另一个主菜手打安格斯牛肉汉堡，汉堡扒够厚有肉味，个包面铺满我最钟意嘅芝麻，水准同三年前一样咁高😋。