影片
更多
2015-06-28
3365 浏览
一路都会喺OpenRice揾好野食，但食评就好几年冇写过，对上一次已经系5年前，今日又再的起心机写写食评，希望会有恒心持续落去啦!!!话说星期六又黎到荃湾揾野食，好多餐厅都试过晒，反而荃丰、华都、荃昌呢边既小店未有帮衬，今日决定过黎睇下有乜好野食，初步已经锁定2间 -「转角‧见」或者「创意品味」，但见后者坐位空间比较狭窄，所以转角见.....餐厅有室外/内坐位，但天气炎热，当然拣室内凉冷气啦 这里有主要有5种食品: All Day Breakfast、沙律、意粉、汉堡、甜品，我地今次拣左白汁蘑菇蒜肠烟肉意粉、芝士蘑菇汉堡、花生奶昔老实讲，意粉真系麻麻地，好似未煮熟咁，未有完全受水，咬落仲好糊口，虽然唔算好多Sause，但还好食落唔算太干，亦都唔会太油，但意粉本身真系败笔。反而芝士蘑菇汉堡就相当有惊喜，先讲薯条，系我最爱既粗身薯条，份量都唔少，仲见到一粒粒盐铺系上面，唔驶点茄汁已经好好味，但有人话咸左D，我就觉得啱啱好，不过真系好热气。再来就系汉堡，馅料有汉堡扒、蕃茄、芝士、蘑菇、洋葱、沙律菜，卖相都几吸引，件头又大，冇可能一啖咬得晒，所以我要用刀叉切开逐少逐少食，一切𠮶下，已经见到有
话说星期六又黎到荃湾揾野食，好多餐厅都试过晒，反而荃丰、华都、荃昌呢边既小店未有帮衬，今日决定过黎睇下有乜好野食，初步已经锁定2间 -「转角‧见」或者「创意品味」，但见后者坐位空间比较狭窄，所以转角见.....
餐厅有室外/内坐位，但天气炎热，当然拣室内凉冷气啦
这里有主要有5种食品: All Day Breakfast、沙律、意粉、汉堡、甜品，我地今次拣左白汁蘑菇蒜肠烟肉意粉、芝士蘑菇汉堡、花生奶昔
老实讲，意粉真系麻麻地，好似未煮熟咁，未有完全受水，咬落仲好糊口，虽然唔算好多Sause，但还好食落唔算太干，亦都唔会太油，但意粉本身真系败笔。
反而芝士蘑菇汉堡就相当有惊喜，先讲薯条，系我最爱既粗身薯条，份量都唔少，仲见到一粒粒盐铺系上面，唔驶点茄汁已经好好味，但有人话咸左D，我就觉得啱啱好，不过真系好热气。再来就系汉堡，馅料有汉堡扒、蕃茄、芝士、蘑菇、洋葱、沙律菜，卖相都几吸引，件头又大，冇可能一啖咬得晒，所以我要用刀叉切开逐少逐少食，一切𠮶下，已经见到有肉汁流出黎，咬落都相当Juicy，但放心，唔会好油腻，夹埋蕃茄洋葱等等既配菜一齐食，简直一绝。
本身汉堡跟餐系饮汽水，但黎到Cafe，点都要试下几他野既，本想嗌咖啡，但突然见到花生奶昔既出现，呢个系其他铺头的确少见，一于就你啦! 初时都怕花生奶昔会好甜好糊口，但又唔系㖞，相比老麦既奶昔就比较稀身，唔太甜，不过花生味就欠奉，只系有云利会既甜味，下次都系试其他口味或是咖啡算数。
意粉跟餐既红茶，嗯.....冇乜特别。总括转角‧见既食物都算不俗，尤其系汉堡，下次可以试试其他款式，或者试下早餐水准如何，加上价钱都唔算贵，再来既机会都好高。
张贴
