漢堡佬 (已搬遷) 新店位置

今日放工好想食汉堡，上咗饮食平台睇吓边间好食啦，到左见到店舖细细间咁，但原来有好多款汉堡可以选择，仲多过一啲连锁店！再睇睇下小店嘅食评介绍，见到个好邪恶嘅汉堡，有齐我钟意食嘅嘢。就是三重芝士牛肉流心蛋汉堡啦，再另外点左个薯条。返到屋企打开一睇，卖相好丰富，马上试吓先。汉堡块包烘过脆脆地，阵阵牛油香，牛肉外层经过煎之后变得惹味香口，食落多汁，配上极香浓郁既三款芝士，散发淡淡奶香。加上新鲜生菜蕃茄，同流心蛋，食落一D都唔会腻！薯条食落好香薯仔味，炸得刚刚好。