影片
更多
2020-10-09
63 浏览
由于希望唔洗排队，我下昼5:00就准时嚟等佢哋开门。结果唔使失望，一入去就有得即刻坐低。由于第一次嚟，梗系虚心问吓店员边样嘢好食啦，佢话佢自己最钟意嘅系classic burger，但系如果我系第一次嚟就当然推介我试佢哋嘅招牌Honbo佢哋招牌都分咗三款，一款系1.0，一款系1.5，而第三款就系2.0, 其实佢哋嘅分别系在于块beef patties嘅数量, 2.0系最大份嘅，可以跟返自己食量决定☺️我最后叫咗汉堡1.5加多个薯条!个餐一嚟到嘅时候新鲜滚热辣，本身想影多几张相，但系佢望落实在太好味，忍唔住影咗一张就开餐。食得出食材十分新鲜，牛肉又香又多汁，配埋佢新鲜煎嘅洋葱同埋芝士，味道一绝，个包吸收左牛肉汁同其他配料嘅嘅香味，仲煎到脆一脆，所以零泻好味。啲薯条就好食过一般大众连锁店𠮶啲啦，不过唔算话太出众。或者好似其他食评咁讲，芝士酱薯条会出色一啲。讲完食物讲吓环境啦☺️个环境其实都几有特色，配合埋音乐都几轻松几chill, 细细间，但系都坐得几舒服有啲位仲可以望住窗外林景添。而员工服务态度方面，唔知系咪因为啱啱开店，佢又唔算话好上心，做做下就出咗去同其他朋友倾偈，又同人呃晒手，但系入返
由于第一次嚟，梗系虚心问吓店员边样嘢好食啦，佢话佢自己最钟意嘅系classic burger，但系如果我系第一次嚟就当然推介我试佢哋嘅招牌Honbo
佢哋招牌都分咗三款，一款系1.0，一款系1.5，而第三款就系2.0, 其实佢哋嘅分别系在于块beef patties嘅数量, 2.0系最大份嘅，可以跟返自己食量决定☺️
我最后叫咗汉堡1.5加多个薯条!
个餐一嚟到嘅时候新鲜滚热辣，本身想影多几张相，但系佢望落实在太好味，忍唔住影咗一张就开餐。食得出食材十分新鲜，牛肉又香又多汁，配埋佢新鲜煎嘅洋葱同埋芝士，味道一绝，个包吸收左牛肉汁同其他配料嘅嘅香味，仲煎到脆一脆，所以零泻好味。
啲薯条就好食过一般大众连锁店𠮶啲啦，不过唔算话太出众。或者好似其他食评咁讲，芝士酱薯条会出色一啲。
讲完食物讲吓环境啦☺️个环境其实都几有特色，配合埋音乐都几轻松几chill, 细细间，但系都坐得几舒服有啲位仲可以望住窗外林景添。
而员工服务态度方面，唔知系咪因为啱啱开店，佢又唔算话好上心，做做下就出咗去同其他朋友倾偈，又同人呃晒手，但系入返嚟嘅时候就唔见佢有消毒，所以呢一方面都会有少少担心。不过总括嚟讲餐厅质素几好，会下次再嚟试佢嘅classic burger同芝士酱薯条。
张贴
