Burgerman (欽州街) (已結業)

出深水埗睇完玩具、一支公又想食好嘢，我就推介位于钦州街嘅Burgerman。Burgerman嘅餐牌都有成10款汉堡包俾大家拣，再加埋厨司推介，有选择困难症嘅朋友仔都几头痕嫁。虽然今日厨司推介系日式豚肉汉堡，但最后我都系拣咗和牛汉堡，再加薯格同罐装忌廉。和牛汉堡再加上一大份香脆嘅薯格同罐装忌廉，真系best match。和牛汉堡扒成吋厚，一咬落去，和牛肉汁唧哂出嚟，油香而不腻。和牛扒嘅调味适中，加上选用嘅酱汁唔系浓味嘅酱，再配搭豆苗同比较轻味嘅芝士，配菜同酱汁味道唔会盖过和牛汉堡扒，整个汉堡亦唔会俾人一种饱济嘅感觉。超正！