The Beef & Leaf (已結業)

行过见到新开美食区，好奇行去睇，见到几特别嘅馒头汉堡，谂咗阵就叫咗个试吓，行咗入铺等见到两个专业西餐师傅look嘅厨，着住整齐嘅黑色西厨制服，望过嚟一边微笑一边继续打汉堡扒。。突然谂到少林足球嘅一段。。从佢地整齐嘅制服 友善嘅眼神 我完全感受到𠮶份诚意同体育精神。。唔系，系专业精神先啱。。有啲离题讲翻嘢食先。。个馒头汉堡望落有啲似刈包，但比其更松软同吸味，拎上手有啲烫手，咬一啖啲酱汁就泻出嚟。。佢有好多唔同汁，我就拣咗佢嘅招牌主打汁---野菌汁。。呢个汁同个汉堡好夹，佢混合咗几种菌，做出嚟嘅效果，绝对比得上高级西餐厅嘅出品。秘制野菌酱汁当野菌天然甜味，令其本身有啲似牛肝菌嘅浓郁菌味当中又有一点清新感。*利申，我唔知师父个汁有无用牛肝菌，但食落有啲似。。。个汁如果有得配饭正到爆。。而个馒头吸咗汁嘅味，令个味道更提升。。之后就再试咗佢个牛叶船即系牛扒。。。佢可以配两只汁，我就拣咗咕噜同沙爹，沙嗲好香，咕噜对比下就略逊色..绝对值得一尝再尝