鴻星中菜 (已結業)

见广告话鸿星大闸蟹套餐又多又抵食, 于是琴晚一行4人去左海港城鸿星, 食生平第二次既大闸蟹, 7点入去,唔系好多枱有人, 个waitress 既服侍好周到, 有讲有笑咁,唔错唔错; 之后等齐人(约8点)叫左个$1480既4人套餐, 漫长既"去饮"式晚饭正式开始....一开始食左蟹粉小笼包同两轮(1王1后) 既大闸蟹后,足足等左大半个钟, 个经理先走黎问你食唔食豉油鸡, "我地个餐系食脆皮鸡架㖞" 我地唔明白,所以问经理"冇, 多左两只豉油鸡出黎, 想睇下你地想唔想转o者" 经理答哗!脆皮鸡贵过又好味过豉油鸡, 咁即系揾我地笨o者, 打死都唔转....又等多阵先有个翅黎, 但系黎既系两碗不知名既羹, 个餐明明系燕窝蛋白烩翅㖞, 点搞架, 脾气开始黎...跟住食多成个钟之后先黎条石斑, 一叉开, 仲有血色架㖞, d肉黏住条骨, 摆明唔熟啦! 跟住叫个侍应黎换左佢, 点知佢够胆死翻蒸俾返我!有冇搞错呀! 鱼点会翻蒸俾个客架! 咁大间酒楼咁做野既? 揾个经理理论, 佢应承蒸过一条俾我, 仲话15分钟就得, 点知等左30分钟都仲未有, 再催之下都要等多10分钟... 食完之后望下个表: 11点!