木金餃子製作所 (已結業)

呢间位于观塘区既特色饺子店，成日网上见到人地拎住个金壶倒南瓜汤落饺子度打咭，觉得几得意，今日黎开观塘就上黎试下。舖头既装修以木色为主，简简单单环境都几干净~门口位置有一个自助区，提供水同免费配料，当中包括虾米辣菜脯、麻辣榨菜、甜酸萝卜、辣椒油同醋等。辣菜脯同麻辣榨菜辣辣地够晒野味，拎黎配水饺都系一个唔错既选择😋《大大只凤城虾虾饺拼黑松露芝士豚肉饺》配南瓜浓汤 $68饺子分左经经典口味同特色口味，可以跟口味拣2款共8只饺子。今次我拣左特色口味，凤城虾虾饺写住「大大只」真系无呃人，粒虾饺真系包到涨卜卜好足料，咬落去已经食到大大只虾非常爽口，加埋木耳同红萝卜丝，成粒都好好味，推荐!! 黑松露芝士豚肉饺咬落去黑松露味好香，芝士味都浓，食头两粒都觉得好好味，不过因为重味食多只就开始觉得有D腻，好彩南瓜浓汤帮左好大忙，南瓜汤非常足料，啖啖都饮到南瓜香同食到南瓜既纤维，清清甜甜既汤底中和左饺子既重味感觉，好味!《无骨明太子鸡翼》$38鸡翼系热辣辣新鲜炸好，入面明太子既份量都几多，而且味道啱啱好，唔会死咸，外皮炸得香脆，值得推介!