川亭 (已搬遷) 新店位置

喺灣仔道、交加里及克街交界條橫巷內o既食肆經常轉手，差不多每幾個月都會有新店上場，今次試o既「川亭」剛好趕得切西曆新年前開張。小店應該都係以做午市及下午茶外賣為主，固室內冇咩特別裝修，門外都係簡單貼上餐牌就算。午飯食間為咗要食得舒服啲，所以就決定買個擔擔麵返上公司食 ，$18另加$2外賣盒錢，合共$20，冇單據提供。擔擔麵份量唔少，芽菜爽脆，肉碎都好惹味，可惜第一口已食到成口麵粉，好似麵條未熟透咁，加上湯底濃杰，結果一口漿糊 ，不甚討好。$18雖然係好平，不過碗麵實在未能滿足XO仔個腸胃 。