うまい鮨勘

营业中

休息中

知道尖沙咀海港城开咗一间寿司店，材料每日响筑地新鲜直送，但每次经过都好多人，刚巧今日早左放工， 就同朋友入去试吓！呢度选择好多， 除咗寿司之外仲有好多日式小食！大食嘅朋友丼饭都可以！餐具都好友日式风情！餐厅入边都好大好舒适，入边有多个卡位。我哋两个女仔share左一个筑地寿司盛。材料好丰富，分别有北海道海胆、三文鱼籽、北海道牧丹虾黑松露、石垣贝、北海道大帆立贝、鲽鱼边、喜之次、赤鯥、矢柄、鲛鱼、中拖罗、大拖罗，一嚟到就感受到果一份新鲜！大拖罗同中拖罗都有入口即溶嘅感觉，十分新鲜美味！一d都唔腥！入口软绵绵！北海道大帆立贝好厚肉好饱满又甜！上面有紫菜酱好特别！鲛鱼入口即溶油脂丰富！石垣贝较爽口。呢一只北海道牡丹虾超级大超级厚肉！一啖系食唔晒嘅！建议先食一啖原味，感受一下虾嘅鲜甜，再食一啖有黑松露嘅！因为黑松露味道较浓，会盖过虾嘅鲜甜。用字一层一层咁卷起，好有口感！蛋味好香又甜！呢度嘅鱼生果然新鲜！整晚都好大满足！