強記美食

营业中

休息中

由细到大都好钟意食糯米，无论系糯米包，糯米卷抑或糯米饭，有得叫我都一定会叫。以前食糯米饭会去坑口村，不过真系好耐冇去喇。早排喺湾仔做嘢，当然第一时间去强记试下佢哋嘅名物糯米饭。我不嬲都唔食润肠，不过今次就叫咗米芝莲推介嘅鸳鸯肠杂锦腊味糯米饭。呢度我必须要讲，以前唔钟意食润肠，只系因为食咗啲唔靓嘅润肠，今次呢条就非常好食，油脂充足，唔会干争争好粉咁，劲正。相比之下，腊肠就正常水准。至于糯米饭，同之前食开嘅唔系好同，可能因为唔系生炒嘅关系，冇咁惹味，不过真系好耐冇食过糯米饭喇，所以一样咁满足😋。