心夜來潮 (已結業)

食开既打冷舖都系地舖, 而楼上打冷舖的确比较少, 呢间仲要系24小时营业, 若非开系旺区都几难做! 呢间新式潮州菜店, 荃湾都有分店, 食过几唔错, 今次再食!店内装饰几中国化, 大部份系二人枱, 2人上黎打冷都无问题, 又真系见多情侣或后生仔上来开餐㖞打开餐牌, 食物选择款式都OK多, 有D菜式个名都几搞鬼, 例如炒馒头, 家常牙签鸡, 仲见到酱腌海鲜类, 呢D真系比较系传统潮菜馆见唔到既!肚饿啦, 先叫呢款香辣鱼仔炒蛏子王, 2只起, 呢度份量系4只, 食落好香豉汁味, 配以洋䓤, 青红椒, 加埋香辣鱼仔, 令爽口弹牙既蛏子肉更好味, 已预先起好肉, 方便易食!见到餐牌上有呢款椒盐剥皮鱼, 香口之物, 一碟鱼既份量唔少, 带甜味既剥皮鱼干, 虽则细细条但几鲜味, 连鱼骨都可以食埋落肚, 咪比佢咁多红辣椒丝, 但食落一D都唔辣, 用黎送啤酒真系一流呀!估佢唔到打冷居然会有牛杂食, 呢款十七香牛杂锅(细), 备上火炉热住食, 再滚起就食得, 锅内材料包括牛腩, 牛肚, 牛柏叶, 牛肠及萝卜, 每样都切得细细件方便入味, 呢锅牛杂用黎送饭都几夹, 系天气冻既日子食就就更滋味!酸