鈺膳潮州菜 (駱克道) (已結業)

旧同事喺潮州人，今晚去呢一间度试菜，个胡椒猪肚汤简直系惹味，一个例牌有5碗，份量唔算太多，但系真系正！跟住叫一个沙嗲芥兰牛肉，做得相当唔错，再嚟一个炒薄壳，唔系时时有得食，季节性，呢个𩠌绝对唔系食个肉，系食个味道，薄壳嘅惹到咪冇得弹，要睇吓你自己有冇功力识得欣赏呢一个𩠌。呢一味令国排骨煲，我都系第一次食，个味道系咸咸香香，非常之易送饭，我旧同事叫咗碗白饭捞汁。见佢食得咁开心，自己都开心埋！烟鸭胸个味道系好特别，中式嘅烟鸭胸我都系第一次食，个味系非常之香，肉质亦都好嫩，唔韧。呢一个韭菜煎果，个韭菜味系离远都闻得到𠮶种香味，个厨师手艺真系非常唔错，同平时酒楼食𠮶啲韭菜饺死实实𠮶啲根本冇得比。整体来讲，我觉得选择嚟呢度系冇失望㗎，食到正宗嘅潮州菜，价钱亦都相当唔贵！我会再帮衬！