影片
更多
2021-01-21
85 浏览
呢一间茶楼好有潮州特色， 亦都可以见到餐牌上面有卤水鹅之类嘅潮州菜。 但因为我上次去食嘅时候系中午， 所以都系想食番传统少少嘅点心饮茶。 大家可以留意返朝头早会有优惠， 十一点钟之前埋单会有折扣。我叫咗个蚝仔粥， 啲蚝仔都系胀卜卜， 虽然我叫嘅系细碗版， 30蚊， 但份量都唔少， 我最欣赏嘅系佢入面有一啲好香脆嘅鱼干， 令到成碗蚝仔粥嘅鲜味更加突出， 而且增添咗咬口。 如果大家系唔钟意食芫茜嘅话， 你会更加钟意呢碗粥。另外嗌咗一碟萝卜糕， 我可以话呢一碟系纯正嘅萝卜糕， 佢唔会有其他花巧嘅食材同埋配料混淆你嘅专注力， 佢雪白无瑕， 你可以好专心咁样品尝真正嘅萝卜味。 不过如果煎得再香口少少会好食啲。另外一个惊喜系叉烧肠， 条肠入面有好多叉烧， 好足料， 而且一个肠粉皮唔会太厚， 最好食。我哋之后就嗌咗桂花糕， 虾饺， 山竹牛肉球。 水准都好唔错， 最后埋单都系200蚊， 其实都几抵食， 如果大家住附近可以试下过嚟饮茶
我叫咗个蚝仔粥， 啲蚝仔都系胀卜卜， 虽然我叫嘅系细碗版， 30蚊， 但份量都唔少， 我最欣赏嘅系佢入面有一啲好香脆嘅鱼干， 令到成碗蚝仔粥嘅鲜味更加突出， 而且增添咗咬口。 如果大家系唔钟意食芫茜嘅话， 你会更加钟意呢碗粥。
另外嗌咗一碟萝卜糕， 我可以话呢一碟系纯正嘅萝卜糕， 佢唔会有其他花巧嘅食材同埋配料混淆你嘅专注力， 佢雪白无瑕， 你可以好专心咁样品尝真正嘅萝卜味。 不过如果煎得再香口少少会好食啲。
另外一个惊喜系叉烧肠， 条肠入面有好多叉烧， 好足料， 而且一个肠粉皮唔会太厚， 最好食。
我哋之后就嗌咗桂花糕， 虾饺， 山竹牛肉球。 水准都好唔错， 最后埋单都系200蚊， 其实都几抵食， 如果大家住附近可以试下过嚟饮茶
张贴
