潮式腸粉 (已結業)

虽然经常经过此地，但一路都唔留意原来呢度有间潮州野。铺头细细容纳到至少十余枱，最正系有部电视仔影住铺头外街边位置，各位车友心照啦。招牌炒粿汁，睇落唔多但其实份量十足，粿汁好似中式宽条面，口感烟韧，酱油炒得入味又有镬气，加埋芽菜同鱼松层次丰富，极力推荐俾大家。煎蚝饼味道唔错，而且真系一粒粒蚝仔一夹就有，唔洗大家好似考古学家咁揾佢系边。不过略嫌粉太多，影响整体感觉。大地鱼炒芥兰镬气十足，炒得靓，配埋大地鱼碎，咸香味鲜。醉鸡同平时食到有d分别，平时系冷盘而呢度系热食。酒香同药材味扑鼻，不过食落鸡肉唔入味，而且有少少苦涩。本来并无打算叫乒乓球猪肉筋丸，见隔离叫，个名又禁得意，一于叫黎食（孤独的美食家上身）。图中所见，真系有乒乓波禁大粒，有过之而无不及，一啖咬开有少许汤汁溢出，而且非常弹牙，猪肉味香而不腥，又系诚意推介。