潮聖 (已結業)

刚响「熟食年宵」食完潮汕牛肉饼，所以好想找其他食肆再食回味一下，刚巧见到饮食杂志访问呢间「潮圣」老板，一个八十后的年青人，令顾客可品尝他的家乡菜。而且附近过条天桥就到「南丰纱厂」呢个活化景点，所以特登去荃湾试下呢间小店兼行下纱厂。因5:00 去到可叫下午茶餐（2:30-5:30）先叫我期待的招牌手打牛肉饼米粉$23，再叫正宗猪手饭$35，两个都包饮品，叫了冻奶茶同冻柠茶。再响隔离铺位坐，有张二人枱同吧位枱。牛肉饼有6块，好弹牙呀！牛肉味都好香。系我想食的味道，真系好少店有牛肉饼食，仲要系自制手打的，赞呀。如果用一串串卖比学生，可能成为受欢迎的街头小食。而米粉份量都多，不过个汤底就冇咩味。但呢个价钱$23已非常超值。另外正宗猪手饭餐$33超大碗，又淋又多肉，仲有只半生熟蛋同生菜，咸酸菜，好有诚意的菜色。猪手带咸味，可能用卤水，又好似唔系用南乳整。再单点潮圣石磨肠粉$23，有虾干、菜脯、猪肉碎、鱿鱼干同蛋来包的肠粉，口感都好滑。荃湾小店推介，有口福喇，支持小店。