新潮樓 (已結業)

九展虽然距离地铁站要行十几分钟路程，但呢度有啲名店outlet，前2日同阿妈过咗去行街。本身谂住返德福食饭，但search OpenRice见到有间潮州菜/中菜酒楼，岩晒我呀妈口味。我谂呢度都系做婚宴多，加上位置唔太就脚，所以晚市难免比较静。茶介 $12/位潮汕梅膏骨 $118猪肉半肥瘦，味道酸酸甜甜好送饭。香煎蚝仔酪 $108同平时食开嘅有啲唔同，呢个蚝饼超级脆，脆到一夹就散开晒，煎得干身唔油腻。椒盐白饭鱼 $108本身想食椒盐九肚鱼，但果日无九肚鱼，所以转左做白饭鱼。除咗有椒盐之外，仲有啲脆脆嘅菜。虽然唔系好食得出系咩菜，但个口感一流。本身白饭鱼冇乜味道，加埋落去一齐食啱晒。