四點金飯店

营业中

休息中

又系放工松一松嘅时候， 去咗新都城行街加揾嘢食，见有间楼面几光鲜的中式潮州菜馆就入去试下。门口有大大个橱窗，挂住好多卤水同潮州打冷食物， 感觉干净卫生，侍应招呼周到，室内环境宽敞，感觉唔错。家乡煎蚝仔烙煎得好香口，有脆脆边， 是厚底那种，内里包着满满的蚝仔，而蚝仔size唔细， 一啖已经食到满满的蚝肉。粉浆调教得吾错，落好烟韧， 呢个口咁我钟意。干捞粉丝海皇煲上枱时滚热辣， 粉丝炒得好干身够镬气， 一啲都唔觉得肥腻，加了黑胡椒，有少辣， 但唔太过火，好惹味， 有虾仁干瑶柱做点缀。香脆招牌蛋散见呢个蛋散好多好评， 当然要试下。26蚊有半打， 价钱相宜。上枱时还有微热， 新鲜即制，炸得好松化。糖浆唔太多，用咗椰丝、黄糖、花生碎取代 ，口感丰富 超赞。