影片
更多
2024-08-07
403 浏览
琴日同朋友经过太子，见到有间田记鱼蛋牛腩专门店。印象中油麻地碧街都有一间，次次经过都觉得好香，但都无时间试。一向酷爱潮州粉面嘅我就决定拉埋朋友入去试下。铺头里面冷气好足，几干净，唔会有果种黏笠嘅感觉。楼面姐姐都好主动帮我地落单。餐牌上面有标示边D系招牌菜，于是我就叫左碗崩沙腩米粉（萝卜转菜）加色，朋友叫左鱼三宝河加紫菜。饮品就分别系冻奶茶走甜同埋冻柠茶少甜。野饮最快到，奶茶绝对值得一赞，茶底够浓、好厚，亦都唔会因为煲左一日而入口好苦好老。所以呢杯走甜我饮得好舒服，大推！崩沙腩果然系招牌菜，每一件腩嘅肉、筋、油嘅分层都好均匀。食入口非常香，够浓味，都炆得好适中，唔需要好花力气咀嚼。基本上食一两旧，成个口都好重牛味，比起一般瘦腩嘅肉味，多左层次感。配埋佢个辣椒油，又惹味又开胃！鱼三宝里面，鱼蛋最出色。完全食得出鱼味，爽弹，唔会系沟左好多粉嘅感觉。成碗面出奇地同紫菜好夹！我朋友汤都饮埋！清清地都食得好舒服，唔会话好重味精好口渴。朋友最后追加左一份牛三宝净食！牛腩固然会同崩沙腩比下去，但唔钟意油腻感咁重嘅其实都好啱食！因为好有肉香，口感都几好，唔会好似煲汤瘦肉咁。最钟意就系牛肚！每一块都系金钱
铺头里面冷气好足，几干净，唔会有果种黏笠嘅感觉。楼面姐姐都好主动帮我地落单。餐牌上面有标示边D系招牌菜，于是我就叫左碗崩沙腩米粉（萝卜转菜）加色，朋友叫左鱼三宝河加紫菜。饮品就分别系冻奶茶走甜同埋冻柠茶少甜。
野饮最快到，奶茶绝对值得一赞，茶底够浓、好厚，亦都唔会因为煲左一日而入口好苦好老。所以呢杯走甜我饮得好舒服，大推！
崩沙腩果然系招牌菜，每一件腩嘅肉、筋、油嘅分层都好均匀。食入口非常香，够浓味，都炆得好适中，唔需要好花力气咀嚼。基本上食一两旧，成个口都好重牛味，比起一般瘦腩嘅肉味，多左层次感。配埋佢个辣椒油，又惹味又开胃！
鱼三宝里面，鱼蛋最出色。完全食得出鱼味，爽弹，唔会系沟左好多粉嘅感觉。成碗面出奇地同紫菜好夹！我朋友汤都饮埋！清清地都食得好舒服，唔会话好重味精好口渴。
朋友最后追加左一份牛三宝净食！牛腩固然会同崩沙腩比下去，但唔钟意油腻感咁重嘅其实都好啱食！因为好有肉香，口感都几好，唔会好似煲汤瘦肉咁。最钟意就系牛肚！每一块都系金钱肚，同一般草肚实在唔一样。味道大致相同，亦唔会有一种内脏嘅臭味或者雪味。牛筋反而几惊喜，size偏大旧，而当中有腍，有爽，有硬嘅。三种口感都几得意，加上胶质好丰富，会有浆住个口嘅感觉。
最后两个人超额完成，全台清晒，饱到上心口！绝对推荐大家一试！
张贴
