復興牛什魚蛋

营业中

休息中

宝琳嘅新都城商场，大多数都系一啲连锁大集团食店，新装修好嘅新都城街市，隔离旁边就开咗间潮式粉面店，见到成日都好多人帮衬，质素应该都唔错。今日行经过去买𩠌，就决定去试下，医饱个肚。叫咗一客炸鱼皮同埋墨鱼须河粉，价钱都系40零蚊，都尚算可以。鱼皮炸得好香好脆，好好食，冇油益味。墨鱼须够大粒，不过份量就少啲，唔太够喉，河分都算滑。整体而言，街坊小店呢个质素都ok，价钱亦都唔算太贵，不过坐位就唔算太舒服，又要同隔离枱搭枱坐埋一齐，其实都几逼，加上个位冇乜冷气，夏天食嘅时候就会有啲热。