潮州鹵漢大飯店 (已結業)

潮州卤汉系一间主打潮式火锅嘅放题店，佢最特别系汤底有卤水锅拣，另外除左火锅料，佢地都有多款潮式热盘提供。装修走新派中国风，以红色做主调，每张枱旁边都放左痰罐造型嘅红双喜垃圾桶。野饮除左多款汽水凉茶果汁，仲有啤酒任饮，连Hoegaarden都有。酱料可以喺出面自助区拎。热盘比较特别系有卤水浸鹅件、卤水五花腩、辣酒煮东风螺......等等。蔬菜、豆品、丸类、柏叶、水鱿、鲮鱼滑、沙茶牛肉、花雕鸡片......都可以喺自助区揾倒。炸物小吃都有。雪糕有牛奶公司同另一不知名牌子，虽然唔系贵价货，都有几款口味拣。一坐低当然先拎野饮。哩哩嘅火锅放题分左四个唔同价位，分别系$208、$298、$358同$398，全部限时120分钟，我地拣左$298，相比最平嘅套餐，多左安格斯牛、海鲜、虾滑、墨鱼滑、鹅肠、脆骨腩同脆鲩片。拣左汤底后，一次性海鲜盘会连埋汤底一齐上，入面有蟹、鲍鱼、蛏子、带子同花蛤，非常丰富。趁海鲜未食得，哩个时候可以出去拎啲热盘食住先，二二冇沙又肉嫩，少少辣几惹味。避风塘炒虾咸咸香香几惹味，食落唔会太多油。胡椒猪肚汤胡椒味几重，怕辣嘅试少少就好，猪肚都几多同唔会太韧。反沙芋因为系放题场摆左