尚興潮州海鮮飯店 (已結業)

呢间老字号，小时候已跟家人嚟过，相隔N年之后，竟然有机会同朋友再嚟过，期待！功夫茶 潮州菜饭前饭后必备嘅，先来一杯潮州卤水鹅 $138食潮州菜必点嘅，肉质腍，卤得入味潮州蚝仔粥 $90蚝仔每粒都好饱满，加埋肉碎及莞茜，好鲜味，我哋5个人，每人都分到2~3碗沙茶牛肉 $88 店员叔叔推介嘅，沙茶牛肉炒菜芯正好中和沙茶酱的浓味，两者相得益彰梅子蒸白鳝 $138白鳝肉质爽口，加上有梅子丶蒜蓉同埋少少红椒味道， 令鱼的味道更加鲜味。秘制潮式鸡红 $70第一次食鸡红，原来鸡红味道上较猪红滑，血腥味亦较少，铁质却比猪红高，几特别。绿豆爽 本来想点个反沙芋，可惜卖哂…饭后送上绿豆爽，唔算好甜，开边绿豆腍而不烂，有咬口，最后再来多杯功夫茶作结。