悅

营业中

休息中

时代广场的中菜厅，装潢典雅宽躺，主打潮式点心小菜，点心卖相精致有心思。海中龙皇伴金鱼饺 ($108)高贵的摆碟，金鱼饺做得好精致栩栩如生，下面汤汁好清好浓海鲜味，唔错但略贵。推荐金沙鸭红($138)好似脆炸豆腐但换上鸭红，外脆内软系好食既。胡椒浓汤小笼包 ($68)第一次见，小笼包做得唔错皮薄但唔易穿，咬开爆汤汁，个汤其实冇胡椒味，但个猪肉馅就超重胡椒，一齐食就真系好似食紧胡椒肉汤咁。芙蓉带子芋盒 ($68)外层劲松脆，里面薄薄一层的芋泥包著鲜带子，系升级版的芋角。豉油皇香煎日本淮山 ($118) 未试过香煎淮山，又几好食㖞，煎至金黄食落有啲似薯饼的感觉，略嫌味道偏淡，豉油皇可以再重手少少。其他点心小食类不过不失，没有什么惊喜。脆皮乳鸽 ($88) 亦令人失望，皮唔够脆。潮式卤水鹅肝份量几多，厚切入口溶化，但卤水味不强所以没想像中咁好味，反而喜欢旁边的酸姜伴碟解腻唔错。系得呢个地点都预咗价钱会偏贵，已经去到酒店级价钱但食物又冇预期中咁好，性价比唔高，个人会宁愿差唔多价钱去酒店中菜厅食。