潮江春 (無限極廣場)

营业中

休息中

平日来<潮江春>饮下午茶，2pm开始，都几受欢迎，因为大中小点都系24蚊同价，又真系几抵食㖞！！～呢道特别在有潮式粉面供应，又有蚝仔粥，鸭肉丝捞面等等。点心都有几多选择，都系正常的广东点心。红油抽手好大只，都好多粒，味道微辣，不过云吞皮好粉好厚，而且有好多皮仲烂开晒，做工比较粗糙。叉烧酥啲酥皮焗得非常松化，叉烧馅料蜜汁味道浓郁，而且仲大大只，非常好食。牛肉肠粉粉皮够薄够滑，味道不错。鸭肉丝捞面，本身对呢一个捞面有点儿期望，不过实际感觉一般般，鸭肉冇乜特别嘅味道，而面条亦都较为生硬，下次可以试下其它潮式粉面。蒸包类正常发挥。百花酿鱼肚好足料，虾胶弹牙，鱼肚份量够多。蚝仔粥有吾少蚝仔，keep到胀卜卜，入口鲜甜。蒸排骨都几大碟，肉质够腍。环境走中档路线，坐得非常舒服，下次下午茶都可以再来。