日日香鵝肉飯店 (和富中心) (已結業)

今日行完北角outlet ，谂住喺附近食少少嘢，最新就系隔离和富商场，呢个商场最近啱啱翻新过都未去过。见有一间餐厅食卤水鹅，又好似好耐无食过卤水㖞，一于就拣佢啦。 呢度最出名系狮头鹅，当然要叫番个啦，我拣咗个金牌卤水鹅片饭，一上台就有惊喜，起初我以为得鹅片，原来仲有其他配料卤水蛋、菜、豆卜、酸菜，感觉好丰富。 卤水用咗独门嘅草本卤料配方，卤水味足够，唔会太咸，鹅肉够实净，食落有质感，而且唔会太肥腻，每一片都切得啱啱好，厚薄适中，食落阵阵鹅香味，如果惊食得多会腻可以点少少醋。 跟餐奉送咖啡☕、茶或加$9有例汤。 钟意食仲可以斩埋料，有88折，仲有加$1🤑换购礼遇。