曾記粿品

营业中

休息中

就到中秋佳节，讲起月饼，朋友就介绍咗我喺上环嘅一间出名传统粿品。未食过潮洲月饼嘅我系完全无认识，一开始仲以为只系馅料嘅唔同，类似伍仁月饼咁。去到曾记，发现台面上已经放满一盒盒嘅潮洲月饼，原来卖相同台湾嘅绿豆饼差唔多！的确充满怀旧风味！月饼分咗三只味：芋蓉、绿豆蓉、乌豆沙，咁我同朋友就一齐试咗其中两只味。店员知道我哋系即刻食，仲等登俾咗盒新鲜滚热辣嘅我哋添！不得不赞，曾记嘅潮洲月饼皮系做得唔错，外皮酥脆，但亦无好重嘅油益味。而馅料方面，绿豆蓉系我比较喜爱嘅味道，唔太甜但亦不失绿豆香！相反芋蓉就略嫌淡味，未够芋头香！但整体嚟讲，中秋食潮洲月饼亦系人生一大尝试，如果大家对传统月饼或者冰皮月饼生厌，不妨转下新口味！味道 ⭐️⭐️⭐️⭐️服务 ⭐️⭐️⭐️⭐️环境 ⭐️⭐️⭐️⭐️性价比 ⭐️⭐️⭐️