潮福蒸氣石鍋 (已結業)

今日有个熟客过嚟，同佢倾埋D嘢都过左收工时间，嚟呢间公司后呢个客人一直都好照顾我，除左顾客关系仲有朋友，所以就打算请佢去食好嘢，最近我都去潮福食，觉得环境同食物同几啱招呼朋友，无淋到佢都系潮福FANS喔。一般嚟潮福我都系全部点海鲜多，但今晚佢话其实呢度嘅牛肉都唔错，佢对食好挑剔，佢话唔错就肯定几好喇，手切牛肉片片都切得好均匀，肥瘦比例达到黄金比例，牛肉切得比我地平时食嘅要厚一D，听讲咁样系为左更好口感，蒸左大约五分钟，刚刚熟，好嫩滑啊，牛肉甘香，好有牛肉味。污糟鸡第一次系潮福食，鸡肉调好味，有冬菇丝同葱配料落去蒸，鸡肉嫩滑，鸡骨好硬，鸡日子够足。食无啖啖肉医肚后就梗系唔少得食海鲜喇，呢度嘅海鲜新鲜肥美就好出名，美国大生蚝一直都无令我地失望，大旧嘅肥美生蚝，一啖落去，满足得不得了，清甜啊。花竹虾好大只，外形已经好吸引，肉质当然都系众望归归喇，爽口弹牙，肉丸同蔬菜都一样咁唔错。当然最后个粥底淮山粥都比我地扫清光，食到停唔到口啊。