潮福蒸氣石鍋 (已結業)

今天真系好忙，扑完九龙塘又要扑过来大埔见朋友，所以一定要佢稳定间好食嘅饭店嚟招呼我。结果来到佢话请我嚟食潮福蒸气石锅喔，之前好似有听过吓，但系未帮衬过，今次岩好可以试下系点味道喇！埋位时间早咗d，人流未算好多，我哋坐低之后，朋友点咗一份蒸龙趸斑片同埋蒸花竹虾，佢话先点住两个试下味。不过我觉得两个人食已经足够了，首先蒸我最中意食嘅大虾先，按菜单提示花竹虾蒸5分钟就可以了，佢嘅石锅可以设置时间自动停止，蒸紧果阵我哋两个又可以来返一杯吹下水，果然，5分钟之后攞出嚟睇下只只都色泽光亮，肉质饱满，食落口清甜鲜美，爽口弹牙，好耐无食虾食得咁满足喇。跟住再试下个龙趸斑片，蒸果时加d葱花调下味去腥，同样蒸够5分钟，打开盖之后葱香扑鼻，鱼吸收咗葱香之后果然鲜嫩了很多，食起身唔会觉得太重鱼腥味，今晚餐饭，一个字，够鲜！