潮福蒸氣石鍋 (已結業)

上个月去帮朋友系王仲铭中学隔离整电话，整完原来想同朋友去食鸡煲，但系又想食海鲜。谂咗几耐下，选咗潮福蒸气石锅。两个人唔系点咗好多。贝壳盛盆，整个花甲甘来试试，其实我都叫唔出全部贝壳类嘅名，但系真系好新鲜，一D味精都无，蒸出来好滑。大连鲍鱼，大大只，上面铺满虫草花，真系好香，里面D肉都嗦晒虫草花味。里面淡淡肉加虫草花一起食。仲叫咗牛肉粒和牛肉，分量唔会好多，但系两个人都好够食啦。切得都好均匀，食起来都好有嚼口。牛肉唔老。瑶柱鲜准山粥，最后食埋个瑶柱淮山粥，就已经好饱，淮山好腍，瑶柱鲜味好浓。我个人觉得呢个好似饭后甜品一样。服务态度好，会同你讲点食最好，服务员反应好快，抵赞！