潮福蒸氣石鍋 (已結業)

蒸气石锅热潮从上年展开，一直都想去食，可惜初时定价太贵，好似唔系咁划算。近期潮福推出咗按人头收费嘅半任食任饮海鲜餐，比当初散叫来得实惠，呢晚终于去一试。环境方面，同一般火锅店相若，呢晚我哋被安排晌靠窗嘅卡位就座，都几舒适。唔同日子同时段嘅价钱会略有不同，当晚收费系$338一位（未计加一），入座起计限时两个半钟。店员仲细心讲解点样拣，点菜纸虚线左边嘅食物只可拣一次（或一人限一份），右边先系任食项目。酱料系自助嘅，分别有葱、蒜蓉、炸蒜、辣椒、芫茜、豉油、甜酱、辣酱等等。事后发现某啲食物已经调好味，唔蘸酱料食都OK。凉拌前菜，木耳、萝卜、青瓜嘅口感爽脆，带蒜香同醋香，有啲微微麻辣，都几开胃。姬松茸炖螺肉，除有姬松茸同螺肉外，仲有桂圆同瘦肉等等，菇菌味出。海鲜一般蒸数分钟即可，佢哋嘅蒸锅亦设有响闹提示，唔洗担心会有蒸过龙嘅情况。盖上竹帽，不消一会就蒸好。龙虾，已预先以蒜蓉调味，肉质爽弹且有虾膏，质素唔错。自选海鲜就拣咗北海道北寄贝，size都算肥大肉厚，口感实在。大青口，相对起嚟就无咁出色。大元贝有嚼劲，粉丝吸满肉汁精华。任食类别嘅选择有廿款左右，我哋试咗其中几款。手切和牛粒，切得颇为的骰，肉