影片
更多
2015-08-22
859 浏览
唔少朋友都介绍另一间同类型小店：Panda Burger，位于大角咀Burgerman大角咀总店附近，搞到我心思思，想试佢既主打菜：羊肉汉堡。刚过去既星期六，下午要同月巴女未去学茶。见有时间，就拉埋佢去试下啦。点去呢？如果搭地铁去既话，好简单，系奥运站B出口出，向汇丰银行中心方向行，落电梯到地下，绿色门面既Panda Burger就系对面马路，唔洗五分钟既脚程；如果你唔系搭地铁去既话，我相信廿一世纪最伟大既发明：Google Map帮到你，加油。因为今日剩系得枝定焦镜系身，影唔到呢个小店既环境，各位见谅。经过月巴女未既一翻思考后，决定左食羊肉汉堡配芝士薯条，再加一个凯撒沙津。Er…因为芝士薯条太好食，月巴女未话再追加左个芝士薯条…好饱。羊肉汉堡配芝士薯条 $45(包)+ $15 (跟餐) + $6 (转芝士薯条)先上枱既系芝士薯条，真系好好食！芝士汁系流质半溶状，香得黎唔腻，配合埋薯味重，内里充满薯蓉既厚切薯条，简直系一绝。食完忍唔住再安歌多一客。跟著上场既系羊肉汉堡，我既最爱。先睇大细，一口不能咬尽，唔错唔错。到材料，上下既芝麻包，经过烘焗处理比一般既更外脆内软，芝麻味亦更香。主角呢
刚过去既星期六，下午要同月巴女未去学茶。见有时间，就拉埋佢去试下啦。点去呢？如果搭地铁去既话，好简单，系奥运站B出口出，向汇丰银行中心方向行，落电梯到地下，绿色门面既Panda Burger就系对面马路，唔洗五分钟既脚程；如果你唔系搭地铁去既话，我相信廿一世纪最伟大既发明：Google Map帮到你，加油。
因为今日剩系得枝定焦镜系身，影唔到呢个小店既环境，各位见谅。
经过月巴女未既一翻思考后，决定左食羊肉汉堡配芝士薯条，再加一个凯撒沙津。Er…因为芝士薯条太好食，月巴女未话再追加左个芝士薯条…好饱。
羊肉汉堡配芝士薯条 $45(包)+ $15 (跟餐) + $6 (转芝士薯条)
先上枱既系芝士薯条，真系好好食！芝士汁系流质半溶状，香得黎唔腻，配合埋薯味重，内里充满薯蓉既厚切薯条，简直系一绝。食完忍唔住再安歌多一客。
芝士薯条
54 浏览
0 赞好
0 留言
到材料，上下既芝麻包，经过烘焗处理比一般既更外脆内软，芝麻味亦更香。主角呢，当然系6安士澳洲羊肉，煎至半熟，肉质仍然粉嫩，有膻香但唔重。煎封功夫亦唔错，咬落去令锁著既肉汁微微爆发出黎，简单黎讲，够「Juicy」。配料加上酸甜小黄瓜、蕃茄、生菜、芥辣（佢写系薄荷酱。但我点睇点食都系芥辣），令羊味更突出之余，亦平衡到油腻度。喜爱食羊既我表示：好满意。
凯撒沙津 $35挂著食个羊肉汉堡同芝士薯条，我全程无理个呢个沙律。月巴女未表示唔错，特别系个烤鸡，即叫即煎，诚意十足。
因为月巴女未挂著食芝士薯条，食唔哂烤鸡，临走前，一个疑似老板娘既人问我地「系咪烤鸡煮得唔好食？」，几尴尬。当然，亦好反映到小店既诚意，对于每一个客人都好留意，希望可以做得更好。希望各位可以多多帮衬小店。P.S. 据闻呢到有个「脆皮烧腩汉堡」好好食，但每日限售十个，要再揾机会黎食！！！
张贴
