阿來泰式地道風味

营业中

休息中

一直都好想潮圣阿来泰式地道风味呢间人气店.今日收工就同朋友去试下，我地叫左菠萝炒饭，泰式SUKI炒粉丝（牛），芒果糯米饭，香叶椰汁西米糕，泰式奶茶，热龙眼冰。菠萝炒饭，份量好多，每粒饭都呈金黄色，好有镬气，有新鲜大虾，腊肠肉，提子干同菠萝酸酸甜甜咁，可以捞埋肉松，更加有泰国风味，超好味。泰式SUKI炒粉丝，可配猪，牛，鸡，杂菜或海鲜，我选左牛，我比SUKI个名吸引左，原来SUKI 汁系酸辣汁，牛肉好多，好大块，湿炒粉丝，索晒D SUKI汁，好惹味，好好食!芒果糯米饭，泰国名物，糯米饭经过椰汁浸泡，椰汁渗入晒糯米度，口感好烟韧，芒果超级甜，芒果既甜加上椰汁香浓，好好味，必叫。香叶椰汁西米糕，卖相好靓，浓郁椰香，香滑绵密，入面系软糯西米，仲有香叶既清香，好食！泰式奶茶，系泰国既味道呀，独有既茶香，甜度适中，非常香滑。热龙眼冰，好清甜，仲有粒粒龙眼肉，正！