潮苑正宗潮州粉麵 (已結業)

一有同事请饮下午茶，潮苑食午饭就最啱，因为可以食少D。 上个月就去过一次，当时因为未有idea，就跟墙上poster，要咗碗“手打鲜牛肉饼河”（$18），我同事亦要咗碗“手打鲜牛肉饼面”，仲要咗碟鱼皮（$10）同油菜（$7）。手打鲜牛肉饼：确实名不虚传，好爽好Q，弹牙烟靭，牛肉味丰富。可惜同事投诉面太少，未饱㖞！鱼皮：切得细，皮薄香脆，唔错！放响汤度仲卜卜声，真有趣！油菜：同事问油菜可点整，服务员竟开玩笑话乜都得除咗炒，真搞嘢！隔咗一个月嘅今日我又有机会再去食饭，今次我要咗牛坑腩河（$20），同鱼皮（$6）。 原来佢哋会根据人数而调整鱼皮嘅份量同价钱，又几均真噃！牛坑腩河：好软熟，一D都唔靭，纹理分明，但系个人觉得咸咗小小。都系手打鲜牛肉饼有特色，必食！